काठमाडौं । मर्जर पछि बनेको सूर्यज्योति लाइफ इन्स्योरेन्स कम्पनीको विवरणहरु साविक सूर्या लाइफकै रहने भएको छ । कम्पनी रजिष्ट्रारको कार्यालयले सूर्या लाइफ इन्स्योरेन्स कम्पनीमा ज्योति लाइफ इन्स्योरेन्स कम्पनी गाभ्न स्वीकृति प्रदान गरे सँगै मर्जर पछि कम्पनीको ऐतिहासिक अभिलेखहरु सूर्या लाइफकै कायम रहने भएको हो । कम्पनी रजिष्ट्रारको कार्यालयले मंसिर २७ गते यस्तो स्वीकृति प्रदान गरेको हो ।
स्वीकृति सँगै कम्पनी रजिष्ट्रारले गाभिएपछि कम्नपीको पूँजी संचरना मिलाइ पेश गर्न निर्देशन दिएको छ । त्यस्तै कम्पनी गाभिए पछि कम्पनीको नियमावली बमोजिम कायम हुने सञ्चालक लगत पेश गर्न समेत निर्देशन दिएको थियो ।
स्वीकृति प्रदान गर्दा रजिष्ट्रारले गाभिने कम्नपीको जारि शेयर प्रमाणपत्र गाभ्ने कम्पनीमा रुपमान्तरण गर्ने र सोको जानकारी दिने शर्त राखेको थियो । सोही सर्त अन्तर्गत कम्पनी गाभिएको सार्वजनिक सुचना तथा परिवर्तित नामको जानकारी राष्ट्रियस्तरको क वर्गको दैनिक पत्रिकामा प्रकाशन गरी सोको जानकारी ३० दिन भित्र रजिष्ट्रारको कार्यालयमा पेश गर्न समेत निर्देशन दिएको थियो । गाभिएपछि गाभिने कम्नपीको ऋणधन दायित्व सम्पुर्ण गाभ्ने कम्पनीले व्यहोर्ने रजिष्ट्रारले जनाएको छ ।
मर्जर पछि पनि कम्पनीको लेटर हेडको तलपट्टी साविक कम्पनीको नाम कम्तिमा पनि एकवर्षसम्म उल्लेख गर्नु पर्नेछ । कम्पनीको ठेगाना विराटनगर महानगरपालिका ७ मोरंग एकमा रहनेछ । मर्जर पछि बनेको कम्पनीको अधिकृत पूँजी ६ अर्ब तोकिएको छ । त्यस्तै जारी पूँजी ४ अर्ब ५४ करोड छ भने चुक्ता पूँजी पनि ४ अर्ब ५४ करोड नै छ ।
1671614960862 1671614673526
