काठमाडौं । हिमालयन एभरेष्ट इन्स्योरेन्स लिमिटेडले पुष ६ गतेदेखि निर्जीवन बीमा अभिकर्ताको आधारभूत तालिम संचालन गर्ने भएको छ । कम्पनीले कार्निभल रेष्ट्रो एण्ड मिटिङ्ग, थापागाउँ, काठमाडौंमा बिहान ९ः३० बजेदेखि साझ ५ बजेसम्म तालिम संचालन गर्नेछ ।
कम्पनीले ५० जनालाई सो तालिममा समावेश गराउने जनाएको छ । उक्त तालिममा सहभागी हुन चाहाने ईच्छुक ब्यक्तिले कम्पनीको केन्द्रीय कार्यालय तथा कम्पनीको सम्पर्क नम्बरबाट सीट बुक गर्न आग्रह गरेको छ ।
ईच्छुकले नागरिकताको प्रमाणपत्रको प्रतिलिपी, फोटो १ प्रति, चारित्रिक प्रमाणपत्रको प्रतिलिपी, पासपोर्ट साइजको फोटोको साथमा पेश गर्न भनेको छ । कम्पनीले बीमा व्यवसाय बृद्धि गर्न तथा सबैलाई स्वरोजगार बनाउने हेतुले उक्त तालिम संचालन गर्न लागेको हो ।
