काठमाडौं । नेप्सेले चिलिमे हाइड्रोपावर र प्रभु बैंकको शेयर मूल्य समायोजन गरेको छ। यी दुई कम्पनीले प्रस्तावित लाभांश एवम् साधारण सभा प्रयोजनका लागि तय गरेको बुक क्लोजको आधारमा नेप्सेले मूल्य समायोजन गरेको हो ।
नेप्सेले प्रभु बैंकको मंसिर २९ गते कायम अन्तिम शेयर मूल्य २०१ रुपैयाँ ९० पैसाको आधारमा ६ दशमलव ५ प्रतिशत बोनश शेयर पछिको मूल्य १८९ रुपैयाँ ५८ पैसा तोकेको छ ।
त्यस्तै नेप्सेले चिलिमे हाइड्रोपावरको मङ्सिर २९ गते कायम अन्तिम शेयर मूल्य ३९० रुपैयाँको आधारमा ७ दशमलव ५ प्रतिशत बोनश शेयरपछिको मूल्य ३६२ रुपैयाँ ७९ पैसा तोकेको छ ।
प्रभु बैंकले गत आर्थिक वर्ष २०७८/७९ सम्मको सञ्चित मुनाफाबाट ६ दशमलव ५० प्रतिशत बोनश शेयर र कर प्रयोजन समेतका लागि १ दशमलव ५० प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारितका लागि बैंकले पुस १४ गते वार्षिक साधारण सभा बोलाएको छ ।
त्यस्तै चिलिमे जलविद्युत् कम्पनीले गत आर्थिक वर्ष ०७८/७९ सम्मको सञ्चित मुनाफाबाट ७ दशमलव ५ प्रतिशत बोनश शेयर र कर प्रयोजन समेतका लागि ७ दशमलव ५ प्रतिशत नगद लाभांश गरी कुल १५ प्रतिशत लाभांश वितरण गर्ने तयारी गरेको हो ।
चिलिमे हाइड्रोपावर प्रस्तावित लाभांश पारितका लागि पुस २२ गते वार्षिक साधारण सभा बोलाएको छ ।
