काठमाडौं । लगानीकर्ताको मनोविज्ञान कमजोर हुँदा शेयर बजार घट्ने क्रम अझै पनि रोकिन सकेको छैन । बैंक व्याजर, तरलता, अस्थिर राजनीतिक अवस्था र नेपाल राष्ट्र बैंकको अस्थिर नीतिका कारण लगानीकर्ताको मनोबल कमजोर बन्दै गएको हो । नेपाल राष्ट्र बैंकले चालु आर्थिक वर्षको पहिलो त्रैमाशिक मौद्रिक समिक्षामा पनि बैंकिङ तरलता तथा व्याजदरलाई तत्काल सुधार गर्ने खालेको कुनै पनि पोलिसी नल्याउदा लगानीकर्ताको मनोबल बढ्न नसकेको हो ।
आर्थिक मन्दीले उद्योग व्यवसाय धरासायी बन्दै गएको भन्दै व्यवसायीहरुले प्रधानमन्त्री, अर्थमन्त्री, उद्योग मन्त्री, नेपाल राष्ट्र बैंकका गभर्नर सँग नियमित रुपमा भेटघाट गरिरहेका छन् । तर उक्त भेटघाटले खासै सार्थक रुप लिन सकेको छैन ।
यसैले गर्दा शेयर बजारमा लगानीकर्ताको आकर्षण पनि घटिरहेको छ । सोमबार नेप्से सूचक १४.४८ अंकले घटेको छ । बिहीबार नेप्से सूचकमा गिरावट आउदा १८८२.६० अंकमा रोकिएको छ । आज १६७ वटा कम्पनीको शेयर मूल्यमा गिरावट आएको छ भने २८ वटा कम्पनीको शेयर मूल्यमा मात्रै सुधार देखिन्छ ।
सर्वाधिक धेरै रु.रु जलविद्युत कम्पनी र इस्ट्रन हाइड्रोपावरको शेयर मूल्यमा सुधार हुने क्रममा सकारात्मक सर्किट लागेको छ भने सबैभन्दा धेरै पिपुल्स पावरको शेयर मूल्यमा नकारात्मक सर्किट लागेको छ । सबैभन्दा धेरै एनसिसी बैंकको संस्थापक शेयर २२ करोड ८९ लाख रुपैयाँको कारोबार भएको छ ।
