काठमाडौं । आज साताको अन्तिम दिन पनि शेयर बजार घटेको छ । आज नेप्से १४ दशमलव ४८ अंकले घटेर १,८८२ दशमलव ६० को विन्दुमा कायम भएको छ । आज २५४ कम्पनीको ४८ लाख ४ हजार २७९ कित्ता शेयर किनबेच हुँदा १ अर्ब १९ करोड २६ लाख रुपैयाँको शेयर कारोबार भएको छ ।
आज सबैभन्दा धेरै एनसीसी बैंकको संस्थापक शेयरको कारोबार भएको छ । बैंकको २२ करोड ८९ लाख रुपैयाँ संस्थापक शेयर कारोबार भएको छ । शिवम् सिमेन्टको ९ करोड ३१ लाख रुपैयाँको कारोबार भएको छ । सिवाइसी नेपाल लघुवित्तको ६ करोड ३९ लाख रुपैयाँको शेयर कारोबार भएको छ ।
