काठमाडौं । इन्फोमेरिक्स क्रेडिट रेटिङ्ग नेपाल लिमिटेडको दोस्रो वार्षिक साधारण सभा पुस १५ गते हुने भएको छ । काठमाडौं, बानेश्वर हाइटस्थित कम्पनीको कार्यालयमा उक्त दिन बिहान ११ बजे सभा शुरु हुने कम्पनीले जनाएको छ ।
कम्पनीको मंसिर २२ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभामा आर्थिक वर्ष २०७८/७९को वार्षिक प्रतिवेदन, आर्थिक वर्ष २०७९/८० को लागि लेखापरीक्षकको नियुक्ति र निजको पारिश्रमिक निर्धारण गर्ने प्रस्ताव पारितका लागि पेस गरिने जनाएको छ ।
