काठमाडौं । प्रभु बैंक र सेञ्चुरी कमर्सियल बैंकबीच गाभ्ने गाभिने सम्बन्धी अन्तिम सम्झौतापत्रमा हस्ताक्षर भएको छ। दुई बैंकबीच बुधबार सम्झौतामा हस्ताक्षर भएको हो।
सम्झौतामा प्रभु बैंकको तर्फबाट संयुक्त प्राप्ति (एक्विजिसन) समितिका संयोजक रमेशसिंह खड़का र सेञ्चुरी कमर्सियल बैंकको तर्फबाट संयुक्त एक्विजिसन समितिक सदस्य मनबहादुर राईले हस्ताक्षर गरेका हुन् ।
अन्तिम सम्झौता अनुसार प्रभु बैंकले सेञ्चुरी बैंकलाई १ः१ को स्वाप रेसियोमा गाभ्ने निर्णग गरेको हो । सेञ्चुरीलाई गाभेपछि बन्ने बैंकको नाम प्रभु बैंक नै रहने छ । संचालक समितिमा प्रभु बैंकबाट ४ जना र सेन्चुरीबाट ३ जना जाने सहमति भएको छ ।
त्यस्तै सीइओको रुपमा हालका प्रभु बैंक कै सीइओ रहने छन् भने सेञ्चुरीका हालका सीइओ बैंकमा सिनियर डेपुटी सीइओको रुपमा रहने सहमति भएको छ । त्यस्तै कर्मचारीहरु समायोजन गर्दा हाल खाईपाई आएको सेवा सुविधा नघट्ने गरि समान समान हैसियतमा समायोजन गर्ने सहमति भएको छ । पुस भित्र नै एकिकृत कारोबार गर्ने गरि प्रक्रिया अगाडी बढाउने सहमति भएको छ ।
अन्तिम सम्झौता भएसँगै दुवै बैंकले साधारणसभा आह्वान गरेका छन् । दुवै बैंकले पुस १४ गतेको लागि साधारणसभा आह्वान गरेका हुन् ।
