काठमाडौं । समृद्धि फाइनान्स कम्पनी लिमिटेडले अतिवरित हकप्रद शेयर तेस्रो पटक लिलामीमा विक्री गरिरहेको छ । उक्त शेयरमा आजसम्म आवेदन दिन सकिनेछ । कम्पनीले ७ लाख ६७ हजार ३६६ कित्ता संस्थापक तर्फको हकप्रद शेयर आज मंसिर १ गतेदेखि विक्रीमा ल्याएको हो ।
कम्पनीले अवितरित हकप्रद शेयर पहिलो पटक २०७८ साल चैत २९ गतेदेखि २०७९ साल वैशाख ७ गतेसम्म र दोस्रो पटक २०७९ साल असार १ गतेदेखि असार ९ गतेसम्म लिलामीमा विक्री गरेको थियो । उक्त अवधिमा वितरण हुन नसकेको बाँकी शेयर तेस्रो पटक लिलामी प्रक्रियाबाट विक्री गर्न लागेको हो ।
यस शेयर खरीदका लागि विद्यमान संस्थापक शेयरधनी एवम् अन्य कोहि व्यक्ति एवम् संस्थाहरूले आवेदन दिन सकिनेछ । प्रतिकित्ता १०० रुपैयाँ अंकित मूल्य तोकिएको यो शेयर खरीदका लागि तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्नेछ ।
न्यूनतम एक हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था रहेको छ कम्पनीको शेयर विक्री प्रबन्धकमा बिओके क्यापिटल मार्केट लिमिटेड रहेको छ ।
