काठमाडौं । नेपाल राष्ट्र बैंकले आज साझ ६ बजे पछाडी मात्रै मौद्रिक समिक्षा सार्वजनिक गर्ने तयारी गरेको छ । आज साँझ साढे चार बजे सञ्चालक समितिको बैठक बस्न थालेको सहायक प्रवक्ता नारायण प्रसाद पोखरेलले जानकारी दिए ।
सञ्चालक समितिको बैठक कम्तिमा पनि एक डेढ घण्टा बस्न सक्छ । राष्ट्र बैंकले विभिन्न विभागमा छलफल गरेर गरेका प्रस्तावमा सञ्चालक समितिले धेरै नै छलफल गर्न चाह्यो अथवा असहमति जनायो भने मात्रै समिक्षा आउन ढिला हुन सक्छ । सामान्य हिसावले पनि समिक्षा सार्वजनिक हुन कम्तिमा पनि ६ बस्ने राष्ट्र बैंकले जनाएको छ । यदि सहमति भएन वा ढिला हुने अवस्था रह्यो भने भोलि मात्रै सार्वजनिक हुन सक्छ ।
राष्ट्र बैंकले यस पटक व्यवसायिहरुको गुनासोलाई संबोधन गर्ने प्रयास गर्ने बुझिएको छ । व्यवसायीहरुले व्याजदरको विषयमा चुनाव अगाडी धेरै नै विरोध गरेका थिए । यस अगाडीको मौद्रिक समिक्षाले आयातलाई निरुत्साहित गर्ने नीति लिएको थियो । अर्थतन्त्रका कतिपय सूचकमा सुधार देखिएको भन्दै राष्ट्र बैंकले आयातमा सत प्रतिशत नगद मार्जिनको व्यवस्थालाई संशोधनगरि ५० प्रतिशतमा झार्ने बुझिएको छ । व्याजदरका विषयमा धेरै नै विरोध भएकाले राष्ट्र बैंकले व्याजदर तल झार्ने किसिमका मौद्रिक उपकरण प्रयोग गर्न सक्ने जनाइएको छ ।
