काठमाडौं । रिलायबल लाइफ, सन नेपाल लाइफ, सिटिजन लाइफ र आइएमई लाइफ नयाँ जीवन बीमा कम्पनी भए पनि उनीहरु अहिलेसम्म मर्जरमा गएका छैनन् । बीमा प्राधिकरणले जीवन बीमा कम्पनीलाई ५ अर्ब पुँजी वृद्धिको लक्ष्य दिँदा धेरै जीवन बीमा कम्पनीहरुले मर्जरको बाटो तय गरेका थिए ।
मर्जरमा नगएका ४ नयाँ जीवन बीमा कम्पनीलाई चालु आर्थिक वर्ष ७९/८० को पहिलो त्रैमासको आधारमा केही प्रमुख सूचकहरुलाई लिएर इन्स्योरेन्स खबरले गरेको तुलनात्मक अध्ययन :
चुक्ता पुँजीको आधारमा :
रिलायबल लाइफ इन्स्योरेन्सको चुक्ता पुँजी सबै भन्दा धेरै २ अर्ब ८० करोड छ भने सन नेपालको २ अर्ब २४ करोड, सिटिजन लाइफको १ अर्ब ७५ करोड र आइएमई लाइफको १ अर्ब ४० करोड रहेको छ ।
जगेडा कोषको आधारमा :
रिलायबल लाइफको जगेडा कोषमा सर्वाधिक १ अर्ब १८ करोड रहेको छ भने सिटिजन लाइफको जगेडामा ९३ करोड ४९ लाख, आइएमई लाइफको जगेडामा ८३ करोड ७६ लाख र सन नेपाल लाइफको जगेडामा ६० करोड ४८ लाख संचित छ ।
जीवन बीमा कोषको आधारमा :
सिटिजन लाइफको जीवन बीमा कोषमा ६ अर्ब ६३ करोड संचित हुँदा आइएमई लाइफको ५ अर्ब १६ करोड, रिलायबल लाइफको ५ अर्ब १५ करोड र सन नेपाल लाइफको ३ अर्ब ९६ करोड संचित छ ।
खुद बीमा शुल्क आर्जन :
सिटिजन लाइफले चालु आर्थिक वर्षको पहिलो ३ महिनामा १ अर्ब ३७ करोड खुद बीमा शुल्क आर्जन गर्दा रिलायबल नेपालले ८५ करोड, आइएमई लाइफले ८४ करोड र सन नेपाल लाइफले ८२ करोड खुद बीमा शुल्क आर्जन गरेका छन्।
खुद नाफा :
चालु आर्थिक वर्षको पहिलो ३ महिनामा सन नेपालले १५ करोड ३ लाख खुद नाफा गर्दा रिलायबल लाइफले १० करोड ३ लाख, सिटिजन लाइफले ७ करोड ३ लाख र आइएमई लाइफले ६ करोड ७६ लाख खुद नाफा गरेका छन् ।
