काठमाडौं । आज पनि शेयर बजार घटेको छ । आज दोस्रो कारोबारमा पनि गिरावट आएको हो । चुनावी माहोलमा राजनीतिक अस्थिरताका कारण आजको दोस्रो कारोबारमा पनि लगानीकर्ताहरुमा उत्साह देखिएन् । हिजो पनि शेयर बजार घटेको थियो । आज पनि शेयर बजारमा लगानीकर्ता निरुसाहित भएका छन् । आज बजार ७ दशमलव ७२ अंकले घटेर १,९२१ दशमलव ९९ को विन्दुमा कायम भएको छ ।
आज ५७ कम्पनीको शेयर मुल्य बढेको छ भने १२४ कम्पनीको शेयर मुल्य घटेको छ । आज दिनभरिमा २२३ कम्पनीको २८ लाख ३९ हजार ३७३ कित्ता शेयर किनबेच हुँदा १ अर्ब २ करोड २२ लाख ९३ हजार रुपैयाँको शेयर कारोबार भएको छ ।
आज सबैभन्दा धेरै नेपाल बैंकको शेयर कारोबार भएको छ । आज कम्पनीको १२ करोड ७७ लाख रुपैयाँको शेयर कारोबार भएको छ । हिमालयन डिष्टिलरीको ११ करोड ९ लाख रुपैयाँको शेयर कारोबार भएको छ । सिभिल बैंकको ६ करोड ८२ लाख रुपैयाँको शेयर कारोबार भएको छ ।
आज सबैभन्दा धेरै सिभिल बैंकका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका छन् । घलेम्दी हाइड्रोका लगानीकर्ताले ९ दशमलव ९८ प्रतिशतका दरले कमाएका छन् । जानकी फाइनान्स कम्पनीका लगानीकर्ताले ५ दशमलव ६० प्रतिशतका दरले कमाएका छन् ।
आज सबैभन्दा धेरै स्ट्याण्र्डर्ट चार्टर्ड बैंकका लगानीकर्ताले गुमाएका छन् । कम्पनीका लगानीकर्ताले ४ दशमलव ७८ प्रतिशतका दरले गुमाएका हुन् ।
