काठमाण्डाै । नेपाल लाईफ इन्स्याेरेन्स कम्पनीले स्थापनाकाे २२ औं वर्षमा आइपुग्दा कूल ५४ अर्ब ७६ कराेड रुपैयाँ दाबी भुक्तानी गरेकाे छ । कम्पनीले जारी गरेकाे दाबी भुक्तानी विवरण अनुसार चालू आर्थिक वर्षकाे पहिलाे त्रैमास असाेज मसान्तसम्ममा याे रकम भुक्तानी गरेकाे हाे ।
कम्पनीका अनुसार परिपक्व बीमा दाबीवापत १५ अर्ब २६ करोड रुपैयाँ र मृत्यु दाबी वापत ५ अर्ब ३ करोड रुपैयाँ दाबी भुक्तानी गरिएकाे छ । यसैगरी आवधिक र आंशिक दाबी अन्तर्गत १८ अर्ब ५३ करोड रुपैयाँ भुक्तानी गरिएकाे कम्पनीले जारी गरेकाे विवरणमा उल्लेख छ ।
बजार हिस्सा, चुक्ता पूँजी, बीमा काेष र लगानीकाे हिसाबले सर्वाधिक ठूलाे जीवन बीमक रहेकाे याे कम्पनीले बीमा शुल्क भुक्तानी छुट, स्थायी पूर्ण अशक्तता दाबी घातक रोग वापतको सुविधा र दुर्घटना मृत्यु लाभ सुविधा अन्तर्गत १५ अर्ब ९४ करोड रुपैयाँ दाबी भुक्तानी गरिसकेको छ ।