काठमाडौं । आर्थिक वर्ष २०७८ /७९ को लागि ४ निर्जीवन बीमा कम्पनीहरुले लाभांश घोषणा गरेका छन् । गत आर्थिक वर्षको नाफाबाट यी चार कम्पनीहरुले आफ्ना शेयरधनीलाई वितरण गर्ने लाभांश घोषणा गरेका हुन् । यस अवधिसम्ममा प्रिमियर इन्स्योरेन्स कम्पनी, सिद्धार्थ इन्स्योरेन्स कम्पनी, यूनाइटेड इन्स्योरेन्स कम्पनी र नेपाल इन्स्योरेन्स कम्पनीले गत आर्थिक वर्षको नाफाबाट लाभांश घोषणा गरेका हुन् ।
प्रिमियर इन्स्योरेन्स कम्पनीले गत आर्थिक वर्षको नाफाबाट ५ प्रतिशत बोनश शेयर र १० प्रतिशत नगद लाभांश सहित १५ प्रतिशत लाभांश वितरण गर्ने भएको छ । सिद्धार्थ इन्स्योरेन्स कम्पनीले ९ दशमलव ४७३७ प्रतिशत नगद लाभांश मात्रै वितरण गर्ने भएको हो ।
त्यस्तै, यूनाइटेड इन्स्योरेन्स कम्पनीले गत आर्थिक वर्षको नाफाबाट ५ प्रतिशत बोनश शेयर र कर प्रयोजनका लागि समेत गरी ० दशमलव २६३२ प्रतिशत नगद लाभांश वितरण गर्ने जनाएको छ । नेपाल इन्स्योरेन्स कम्पनीले गत आर्थिक वर्षको मुनाफाबाट ८ प्रतिशत बोनश शेयर र ० दशमलव ४२११ प्रतिशत नगद लाभांश वितरण गर्ने जनाएको छ ।
