काठमाडौं । सिद्धार्थ इन्स्योरेन्स कम्पनीको मुनाफा ५.६ प्रतिशतले बढेको छ । कम्पनीले चालु आर्थिक वर्षको पहिलो त्रैमाशिक अवधिमा ५ करोड १२ लाख रुपैयाँ मुनाफा आर्जन गरेको छ । गत वर्षको यहि अवधिमा ५ करोड ४३ लाख रुपैयाँ मुनाफा आर्जन गरेको थियो । कम्पनीले ८७ लाख २७ हजार रुपैयाँको नोक्सानी बापतको व्यवस्था गर्दा नाफा घटेको हो ।
खुद बीमा शुल्क आर्जन भने ३० प्रतिशतले बढेको छ । तीन महिनाको अवधिमा ३९ करोड ८२ लाख रुपैयाँ खुद बीमा शुल्क आर्जन गर्दा गत वर्षको यहि अवधिमा ३० करोड ५९ लाख आर्जन गरेको थियो । समिक्षा अवधिमा खुद दाबी भुक्तानी बढेको छ । असोज मसान्तसम्ममा १८ करोड २२ लाख रुपैयाँ खुद दाबी भुक्तानी गरेको छ । गत वर्षको यहि अवधिमा १९ करोड ९० लाखको दाबी भुक्तानी गरेको थियो ।
कम्पनीले अझै एक अर्ब ३५ करोड रुपैयाँको दाबी भुक्तानी गर्न बाँकी छ । गएको यहि अवधिमा एक अर्ब ६२ करोड बाँकी थियो । चुक्ता पूँजी एक अर्ब २८ करोड रुपैयाँ रहेको कम्पनीको जगेडा कोषमा २४ करोड २७ लाख रुपैयाँ जम्मा भएको छ ।
