काठमाडौं । नेशनल इन्स्योरेन्स कम्पनीले आर्थिक वर्ष २०७९ /८० को प्रथम त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद नाफा र खुद दाबी भुक्तानी खुद बीमा शुल्क आर्जन बढेको छ ।
कम्पनीको जगेडा कोक्ष ऋणात्मक रहेको छ । यस अवधिमा कम्पनीको जगेडा कोष ६१ करोड २८ लाख ऋणात्मक रहेको छ । कम्पनीको बीमा कोष १ अर्ब २० करोड रुपैयाँ रहेको छ । गत वर्ष बीमा कोषको आकार १ अर्ब १० करोड रुपैयाँ थियो । गत वर्षको तुलनामा बीमा कोषको आकार बृद्धि भएको छ ।
कम्पनीले प्रकाशन गरेको वित्तीय विवरण अनुसार कम्पनीको नाफा गत आर्थिक वर्षको तुलनामा ११६२ प्रतिशतले बढी हो । गत आर्थिक वर्षको १ करोड ७१ लाख रुपैयाँ नाफा कमाएको यस कम्पनीले चालु आर्थिक वर्षमो २१ करोड ६० करोड लाख रुपैयाँ नाफा कमाएको छ ।
त्यस्तै, चालु आर्थिक वर्षको प्रथम त्रैमासमा २३ करोड ८४ लाख रुपैयाँ खुद बीमा शुल्क आर्जन गरेको छ । गत आर्थिक वर्षको यस अवधिमा कम्पनीले १८ करोड ६५ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको तुलनामा कम्पनीको खुद बीमा शुल्क २७ प्रतिशतले बढी हो ।
यस अवधिमा कम्पनीले १७ करोड ११ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले ८ करोड ९० लाख रुपैयाँ दाबी भुक्तानी गरेको थियो । गत आर्थिक वर्षको तुलनामा कम्पनीको दाबी भुक्तानी ९२ प्रतिशतले बढेको छ ।
यस अवधिमा कम्पनीले कुल ३२ करोड ८३ लाख रुपैयाँ कुल बीमा शुल्क आर्जन गरेको छ । यस अवधिमा कम्पनीले कुल २८ करोड १६ लाख रुपैयाँ दाबी भुक्तानी गरेको छ ।
