काठमाडौं । सानिमा जनरल इन्स्योरेन्स कम्पनीले आर्थिक वर्ष २०७९ /८० को प्रथम त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको अधिकांश सूचकमा बृद्धि देखिएको छ । सानिमा जनरल र जनरल इन्स्योरेन्स कम्पनीले एक आपसमा गाभिने सम्झौता गरी सानिमा जिआईसीको नामबाट एकिकृत कारोबार समेत गरिसकेका छन् ।
कम्पनीले प्रकाशन गरेको वित्तीय विवरण अनुसार कम्पनीको नाफा गत आर्थिक वर्षको तुलनामा ७० प्रतिशतले बढी हो । गत आर्थिक वर्षको २ करोड ४३ लाख रुपैयाँ नाफा कमाएको यस कम्पनीले चालु आर्थिक वर्षमो ४ करोड १३ करोड लाख रुपैयाँ नाफा कमाएको छ ।
त्यस्तै, चालु आर्थिक वर्षको प्रथम त्रैमासमा ८ करोड ८६ लाख रुपैयाँ खुद बीमा शुल्क आर्जन गरेको छ । गत आर्थिक वर्षको यस अवधिमा कम्पनीले ६ करोड ५५ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको तुलनामा कम्पनीको खुद बीमा शुल्क ३५ प्रतिशतले बढी हो ।
१ अर्ब रुपैयाँ चुक्ता पूँजी भएको कम्पनीको जगेडा कोषमा १७ करोड १३ लाख रुपैयाँ संचिती रहेको छ । बीमा कोष १८ करोड ६३ लाख रुपैयाँ रहेको छ । गत वर्ष बीमा कोषको आकार १० करोड ४९ लाख रुपैयाँ थियो ।
यस अवधिमा कम्पनीले २ करोड ५२ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले १ करोड ६७ लाख रुपैयाँ दाबी भुक्तानी गरेको थियो । गत आर्थिक वर्षको तुलनामा कम्पनीको दाबी भुक्तानी ५० प्रतिशतले बढी हो ।
यस अवधिमा कम्पनीको प्रतिशेयर आम्दानी १६ रुपैयाँ ५६ पैसा रहेको छ । प्रतिशेयर नेटवर्थ १ सय ३७ रुपैयाँ ३७ पैसा रहेको छ ।
