काठमाडौं । शिखर इन्स्योरेन्स कम्पनीको मधेष प्रदेश शाखाले वीरगञ्जमा रक्तदान कार्यक्रम सम्पन्न गरेको छ । शिखर इन्स्योरेन्स कम्पनीले १८ औ वार्षिकोत्सवको प्रारम्भिक सत्रमा आयोजना गरेको रक्तदान कार्यक्रममा आज ५३ जनाले रक्तदान गरेका छन् ।
कम्पनीका जनरल म्यानेजर पुस्कर महतको आतिथ्यतामा कार्यक्रम सम्पन्न भएको मधेष प्रदेश कार्यालयका प्रमुख सुरेश चन्द्र गुप्ताले जानकारी दिए । कार्यक्रममा बैंकर, बीमा कम्पनीका कर्मचारी, क्रिकेट खेलाडी, भारतीय दुतावासका कर्मचारी, बीमा प्राधिकरणका कर्मचारी, कलेजका विद्यार्थी, बीमा सर्भेयर लगायत सर्वसाधारणले रक्तदान गरेका थिए ।
रक्तदान शिखर इन्स्योरेन्सको आदर्शनगर वीरगञ्ज शाखामा भएको हो । शिखरले वार्षिकोत्सवको अवसरमा देशभरका शाखा कार्यालयबाट रक्तदान कार्यक्रम सञ्चालन गर्ने योजना बनाएको छ । योजना अनुरुप नै कम्पनीका प्रादेशिक कार्यालयले समन्वयन गरिरहेका छन् ।
निर्जीवन बीमा व्यवसायका अधिकाम्स सूचकमा अग्रणी शिखरले यहि मंसिर २ गते १८ औ वार्षिकोत्सव भव्यताका साथ मनाउदै छ ।
