काठमाडौँ । मुक्तिनाथ विकास बैंक र गरिमा विकास बैंक नेपालका दुई चर्चित राष्ट्रिय स्तरका विकास बैंक हुन् । चालु आर्थिक वर्ष (२०७९/८० ) को प्रथम त्रैमासको आधारमा दुई बैंकलाई शेयर पुँजी, संचित नाफा, जगेडा कोष, निक्षेप, कर्जा, खुद व्याज आम्दानी, संचालन मुनाफा, खुद नाफा, प्रति शेयर आम्दानी, किताबी मूल्य र खराब कर्जा जस्ता महत्वपूर्ण सूचकका आधारमा तुलनात्मक अध्ययन गरिएको छ ।
दुई विकास बैंकलाई इन्स्योरेन्स खबरले गरेको तुलनात्मक अध्ययन :
चुक्ता पूँजीको आधारमा :
गरिमा विकास बैंकको चुक्ता पूँजी ४ अर्ब ५९ करोड छ भने मुक्तिनाथ विकास बैंकको चुक्ता पुँजी ५ अर्ब ६५ करोड रहेको छ । चुक्ता पुँजीको आधारमा मुक्तिनाथ विकास बैंक अघि छ ।
संचित नाफाको आधारमा :
संचित नाफा मुक्तिनाथ विकास बैंकको धेरै छ । मुक्तिनाथ विकास बैंकको संचित नाफा ७९ करोड हुँदा गरिमा विकास बैंकको ६६ करोड छ ।
जगेडा कोषको आधारमा :
जगेडा कोषमा मुक्तिनाथ विकास बैंक अघि छ । मुक्तिनाथ विकास बैंकको जगेडा कोषमा १ अर्ब ९५ करोड रुपैयाँ संचित छ भने गरिमा विकास बैंकको जगेडा कोषमा १ अर्ब ४९ करोड रुपैयाँ संचित छ ।
निक्षेप र कर्जाको आधारमा :
गरिमा विकास बैंकले ६८ अर्ब ९६ करोड निक्षेप संकलन गरी ५९ अर्ब ८५ करोड कर्जा प्रवाह गरेको छ । त्यस्तै मुक्तिनाथ विकास बैंकले १ खर्ब ५ अर्ब निक्षेप संकलन गरी ८८ अर्ब ०२ करोड कर्जा प्रवाह गरेको छ ।
खुद व्याज आम्दानीको आधारमा :
मुक्तिनाथ विकास बैंकले चालु आर्थिक वर्षको पहिलो तीन महिनाको अवधिमा १ अर्ब २ करोड खुद व्याज आम्दानी गर्दा गरिमा विकास बैंकले ७९ करोड खुद व्याज आम्दानी गरेको छ । व्याज आम्दानीमा व्याज खर्च घटाए पछि खुद व्याज आम्दानी आउँछ ।
संचालन नाफाको आधारमा :
गरिमा विकास बैंकले चालु आर्थिक वर्षको पहिलो तीन महिनाको अवधिसम्म २७ करोड संचालन नाफा गर्दा मुक्तिनाथ विकास बैंकले ४३ करोड संचालन नाफा गरेको छ।
खुद नाफाको आधारमा :
गरिमा विकास बैंकले चालु आवको प्रथम त्रैमाससम्म १९ करोड खुद नाफा गरेको छ भने मुक्तिनाथ विकास बैंकले ३० करोड खुद नाफा गरेको छ ।
प्रति शेयर आम्दानीको आधारमा :
प्रति शेयर आम्दानीको आधारमा मुक्तिनाथ विकास बैंक अघि छ। मुक्तिनाथ विकास बैंकको प्रति शेयर आम्दानी २१ रुपैयाँ ७४ पैसा छ भने गरिमा विकास बैंकको प्रति शेयर आम्दानी १६ रुपैयाँ ८४ पैसा छ ।
निस्क्रिय कर्जाको आधारमा :
मुक्तिनाथ विकास बैंकको निस्क्रिय कर्जा शून्य दशमलव ७७ प्रतिशत हुँदा गरिमा विकास बैंकको एक दशमलव ७१ प्रतिशत छ।
किताबी मूल्य :
गरिमा विकास बैंकको किताबी मूल्य १४७ रुपैयाँ १२ पैसा छ भने मुक्तिनाथ विकास बैंकको किताबी मूल्य १४८ रुपैयाँ ५८ पैसा छ ।
