काठमाडौं । बीमा समितिले कुनै पनि बैंक वित्तीय संस्था तथा बीमा कम्पनीहरुलाई निः शुल्क बीमा भनेर प्रचार नगर्न निर्देशन दिए पनि बैंक वित्तीय संस्थाले निःशुल्क बीमा भन्दै प्रचार गर्ने गरेको पाइएको छ । बीमा कहिले पनि निःशुल्क हुँदैन । प्रिमियम तिरे पछि मात्रै बीमा हुन्छ । जहाँ बैंकहरुले बीमा शुल्क भुक्तानी गरे पछि मात्रै बीमा हुन्छ ।
यसरी बैंकहरुले बीमा शुल्क भुक्तानी गरिदिए पनि त्यो रकम निक्षेपकर्ताहरुबाटै असुल उपर गरिएको हो । तर घुमाउरो हिसावले बैंकहरुले निःशुल्क भन्दै प्रचार गर्नु आफै गलत प्रचार हो । केहि समय अगाडी जीवन बीमक संघ र बीमा समिति विचमा भएको छलफलबाट यस्ता किसिमको निःशुल्क बीमा भन्दै प्रचार गर्दा बीमा उद्योगको गलत प्रचार हुने निष्कर्ष निकालिएको थियो ।
तर भर्खर कुमारी बैंकले नेपालमै पहिलो पटक मुद्दती निक्षेप खातामा एक करोडसम्मको निःशुल्क जीवन बीमा भन्दै प्रचार गरिएको छ । बैंकले महालक्ष्मी लाइफ सँग सहकार्य गरी यस्तो गलत प्रचार गरेको देखिन्छ ।
यो मुद्दती खातावालाले बीमाको प्रिमियम तिर्नु नपर्ने भनिएको छ । यहाँ खातावालाले बीमा शुल्क भुक्तानी नगरेको भन्दै निःशुल्क बीमा भन्दै प्रचार गरिएको हो जुन आफैमा नियम विपरित छ । बीमा समितिले नेपाल राष्ट्र बैंकलाई पनि यस विषयमा पटक पटक ध्यानाकर्षण गराइसकेको छ ।
