काठमाडौं । कुमारी बैंकले विशेष योजना सार्वजनिक गरेको छ । बैंकले नेपालमै पहिलो पटक कुमारी जीवन बीमा सुविधा सहितको कुमारी जीवन बीमा मुद्दती निक्षेप योजना सार्वजनिक गरेको हो । यस योजना अन्तर्गत मुद्दती रकम बराबरको आवधिक जीवन बीमा सुविधा निःशुल्क प्राप्त गर्न सकिने बैंकले जनाएको छ ।
बैंकका अनुसार यस योजना अन्तर्गत ग्राहकहरुले मुद्दती रकमको २ देखि १० गुणा वृद्धि गर्नुका साथै जीवन बीमा मार्फत जोखिम व्यवस्थापन गर्ने अवसर प्राप्त गर्नसक्नेछन् । यस योजनामा १८ देखि ५० वर्ष उमेर समुहका ग्राहकले न्युतम पचास हजार देखिको मुद्दती खाता खोल्न सक्नेछन् । सो योजना अन्तर्गत मुद्दती निक्षेपकर्ताले अधिकतम एक करोड रुपैया सम्मको जीवन बीमा सुबिधा प्राप्त गर्न सक्नेछन् ।
यस योजना अनुसार ग्राहकहरुले निक्षेप अवधि सम्मका लागि जिवन बीमा सुरक्षण प्राप्त गर्नका साथै सोहि अवधिमा मुद्दती रकममा दुई देखि १० गुणा सम्म प्राप्त गर्न सक्नेछन् । यस योजनाको बीमा प्रदायक कम्पनी भने महालक्ष्मी लाईफ इन्स्योरेन्स कम्पनी रहेको बैंकले जनाएको छ ।
