काठमाडौं । नेपाल स्टक एक्सचेञ्ज लिमिटेडले सम्पूर्ण सूचिकृत कम्पनीहरूलाई अनिवार्य रूपमा नेप्से अनलाइन कारोबार प्रणाली (नट्स) को लगइन युजर आइडी लिन आग्रह गरेको छ । नेप्सेले आज एक सुचना जारी गर्दै सूचिकृत सबै कम्पनीहरूलाई कार्तिक २५ गतेभित्रै अनिवार्य रूपमा नट्सको लगइन युजर आइडी लिन आग्रह गरेको हो ।
नेप्सेले नयाँ वेबसाइट कार्तिक २७ गतेबाट पूर्णरूपमा सञ्चालन गर्दैछ । नयाँ वेबसाइट सञ्चालन भएपछि सूचिकृत कम्पनीहरूको सूचना तथा विवरणहरू त्यही वेबसाइटमार्फत सार्वजनिक हुने नेप्सेले जनाएको छ ।
पुरानो वेबसाइट अन्तर्गतका सम्पूर्ण लगइन युजर आइडी खारेज हुनेछन् । त्यसकारण नेप्सेले अनिवार्य रूपमा नट्सको लगइन युजर आइडी लिन आग्रह गरेको हो ।
