काठमाडौं । रिलायबल नेपाल लाइफ इन्स्योरेन्स कम्पनीका प्रमुख कार्यकारी अधिकृत नायरायण बाबु लोहनीले वार्षिक तलब भत्ता लगायतका सुविधा बापत ७८ लाख ४० हजार रुपैयाँ बुझेका छन् । लोहनीले आर्थिक वर्ष २०७७/७८ मा साढे तीन खाले तलब सुविधा बढाएका हुन् । उनले यस भन्दा अघिल्लो आर्थिक वर्षमा ७४ लाख ९१ हजार रुपैयाँ बुझेका थिए । उनले यस अतिरिक्त जीवन वीमा, मोटर तथा टेलिफोन सुविधा प्राप्त गरेका छन् ।
बरिष्ठ सहायक महाप्रवन्धक दिवेश बाबु तिवारीले तलब सुविधा बापत ३५ लाख ३६ हजार रुपैयाँ बुझेका छन् । सञ्चालक, प्रबन्ध सञ्चालक, कार्यकारी प्रमुख तथा पदाधिकारीहरुलाई कम्पनीले बैठकभत्ता बापत ६ लाख ३४ हजार रुपैयाँ प्राप्त गरेका छन् । उनिहरुले यातायात तथा सञ्चार लगायतको खर्च वापत ४ लाख ६७ हजार २९३ रुपैयाँ भुक्तानी पाएका छन् ।
यस अतिरिक्त प्रमुख कार्यकारी अधिकृतलाई जीवन विमा, मोटर तथा टेलिफोन सुविधा उपलव्ध गराइएको छ । व्यवस्थापन खर्चको विस्तृत विवरण वित्तीय विवरणको अनुसूचि–७ मा उल्लेख गरीएको छ ।
