काठमाडौं । मर्जरमा गएका बैंकहरु मध्ये कुमारी बैंक, एनसीसी बैंक र बैंक अफ काठमाण्डूले लाभांश प्रस्ताव गरेका छन् । कुमारी बैंकले १२ दशमलव ५० प्रतिशत नगद लाभांश, एनसीसी बैंकले ३ दशमलव ३६ प्रतिशत बोनस शेयर र ७ दशमलव ६३ प्रतिशत नगद लाभांश गरी ११ प्रतिशत लाभांश र बैंक अफ काठमाण्डूले ६ प्रतिशत बोनस शेयर र १४ दशमलव ९५ प्रतिशत नगद लाभांश गरी जम्मा २० दशमलव ९५ प्रतिशत लाभांश घोषणा गरेका छन् ।
कुमारी बैंक र एनसीसी बैंक मर्जरको प्रक्रियामा हुँदा बैंक अफ काठमाण्डू र ग्लोबल आइएमई बैंक पनि मर्जर प्रक्रियामा छन् । ग्लोबल आइएमई बैंकले यो समाचार तयार पार्दासम्म लाभांश घोषणा गरेको छैन्।
कुन बैंकको डिभिडेण्ड इल्ड राम्रो ?
बैंक अफ काठमाण्डूले ६ प्रतिशत बोनस शेयर र १४ दशमलव ९५ प्रतिशत नगद लाभांश गरी जम्मा २० दशमलव ९५ प्रतिशत लाभांश घोषणा गरेको छ । कम्पनीको मर्जरको कारण शेयर कारोवार रोकिनु अघि बजार मूल्य २२७ दशमलव १० रहेको थियो । यसको आधारमा हेर्दा डिभिडेण्ड इल्ड ९ दशमलव २३ प्रतिशत छ ।
त्यस्तै कुमारी बैंकले १२ दशमलव ५० प्रतिशत नगद लाभांश प्रस्ताव गरेको छ । कम्पनीको मर्जरको कारण शेयर कारोवार रोकिनु अघि बजार मूल्य १८६ थियो । यसको आधारमा हेर्दा डिभिडेण्ड इल्ड ६ दशमलव ७२ प्रतिशत छ ।
एनसीसी बैंकले ३ दशमलव ३६ प्रतिशत बोनस शेयर र ७ दशमलव ६३ प्रतिशत नगद लाभांश गरी जम्मा ११ प्रतिशत लाभांश घोषणा गरेको छ । कम्पनीको मर्जरको कारण शेयर कारोवार रोकिनु अघि बजार मूल्य १८४ थियो । यसको आधारमा हेर्दा डिभिडेण्ड इल्ड ५ दशमलव ९८ प्रतिशत छ ।
मर्जरको कारण कारोवार रोकिएका यी तीन बैंकको डिभिडेण्ड इल्ड राम्रै रहेको छ । बैंक अफ काठमाण्डूको सबै भन्दा आकर्षक डिभिडेण्ड इल्ड रहेको छ ।
