काठमाडौं । कर्जा योग्य तरलताको अभावमा गुज्रिएको नेपालको बैङ्किङ्ग प्रणालीमा एकै दिन ३८ अर्बले निक्षेप वृद्धि भएको छ। असोज २६ र २५ गतेको बीचमा प्रणालीमा ३८ अर्बले तरलता वृद्धि भएको हो । असोज २५ गतेसम्म प्रणालीमा ५० खर्ब ८७ अर्ब रहेको निक्षेप असोज २६ गते ५१ खर्ब २५ अर्ब पुगेको छ ।
वाणिज्य बैंकहरुमा आक्रामक रुपमा निक्षेप वृद्धि हुँदा समस्त प्रणालीमा निक्षेप वृद्धि भएको हो । वाणिज्य बैंकहरुमा असोज २५ गते ४४ खर्ब ८१ अर्ब निक्षेप रहेकोमा असोज २६ गते ४५ खर्ब १७ अर्ब निक्षेप पुगेको छ ।
निक्षेप संकलन वृद्धि भए पनि कर्जा प्रवाह भने घटेको छ । असोज २५ र २६ गतेको बीचमा कर्जा प्रवाह करिव २ अर्बले घटेको छ । निक्षेपमा आक्रामक सुधार र कर्जा प्रवाहमा आएको गिरावटको कारणले गर्दा सिडी रेसियो केही सहज भएको छ । वाणिज्य बैंकहरुको सिडी रेसियो असोज २६ गते ८७ दशमलव ०१ रहेको छ । यो रेसियो असोज २५ गते ८७ दशमलव ८१ रहेको थियो ।
