काठमाडौं । आज साताको पहलिो दिन शेयर बजार नेप्से परिसूचक घटेको छ । आज शेयर बजार नेप्से परिसूचक २३ दशमलव ८३ अंकले घटेर १,८१५ दशमलव १३ को विन्दुमा कायम भएको छ । आज १२ वटा कम्पनीको मात्र शेयर मुल्य बढेको छ भने १७४ कम्पनीको शेयर मुल्य घटेको छ । आज सबै उपसूचक घटेका छन् ।
आज दिनभरिमा २२८ कम्पनीको ४० लाख १४ हजार ४१९ कित्ता शेयर किनबेच हुँदा १ अर्ब ७ करोड २४ लाख ८० हजार रुपैयाँको शेयर कारोबार भएको छ । आज सबैभन्दा धेरै लक्ष्मी बैंकको शेयर कारोबार भएको छ । बैंकको २६ करोड २ लाख रुपैयाँको शेयर कारोबार भएको छ । बैंकको शेयर मुल्य १९३ रुपैयाँ रहेको छ ।
त्यस्तै, नविल बैंकको ४ करोड २९ लाख रुपैयाँको शेयर कारोबार भएको छ । रिडी पावर कम्पनीको ३ करोड ४९ लाख रुपैयाँको शेयर कारोबार भएको छ । निफ्राको २ करोड ५९ लाख रुपैयाँको शेयर कारोबार भएको छ । कम्पनीको १ सय ८७ रुपैयाँ रहेको छ ।
आज सबैभन्दा धेरै अभियान लघुवित्त वित्तीय संस्थाका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका छन् । नविल इक्यिवटी फण्डका इकाईधनीले २ दशमलव ९४ प्रतिशतका दरले कमाएका छन् । लक्ष्मी बैंकका लगानीकर्ताले २ दशमलव ६६ प्रतिशतका दरले कमाएका छन् ।
आज सबैभन्दा धेरै तेह्रथुम पावर कम्पनीका लगानीकर्ताले गुमाएका छन् । कम्पनीका लगानीकर्ताले ७ दशमलव ९० प्रतिशतका दरले गुमाएका छन् ।
