काठमाण्डौं । नेपालको सबैभन्दा पुरानो बीमा कम्पनी नेपाल इन्स्याेरेन्स कम्पनी लिमिटेड ७६ औं वर्षमा प्रवेश गरेको छ । नेपालकाे इतिहासमै पहिलाे बीमा कम्पनीकाे रुपमा स्थापना भएकाे नेपाल इन्स्याेरेन्स संचालनमा आएको ७५ वर्ष पुरा गरी ७६ औं वर्ष प्रवेश गरेको हाे । कम्पनीले विशेष कार्यक्रम आयोजना गरेर आज वार्षिकोत्सव मनाउँदैछ।
७५ वर्ष अघि नेपाल इन्स्योरेन्स लिमिटेड नेपाल बैंक लिमिटेडको सहायक कम्पनीको रुपमा स्थापना भएको थियो । अहिले यो कम्पनीमा १५ प्रतिशत हिस्सा सहित नेपाल बैंक एउटा मुख्य प्रवद्र्धकको रुपमा रहेको छ । नेको इन्स्योरेन्स र नेपाल इन्स्योरेन्समा दोहोराे लगानी भएपछि पछिल्लो समयमा ग्लोबल आइएमई समूह नेपाल इन्स्योरेन्समा आफ्नो हिस्सा बिक्री गरेर बाहिरिने तयारीमा छ ।
विक्रम संवत २००४ मा नेपाल मालचलानी बीमा कम्पनीको नामबाट स्थापित यो कम्पनी २०१६ सालमा नेपाल इन्स्योरेन्स एण्ड ट्रान्सपोर्ट कम्पनी लिमिटेडमा परिणत भयो । त्यसपछि २०४८ सालमा नेपाल इन्स्योरेन्स कम्पनी लिमिटेड नामाकरण गरिएको हो ।
