काठमाडौं । अर्थसमितिले नयाँ स्टक एक्सचेन्ज र ब्रोकर लाइसेन्स दिने गरि नियमावली संसोधन भएको भन्दै ७ दिन भित्रमा स्पष्टिकरण पेश गर्न दिएको निर्देशनलाई वेवास्थ गरी धितोपत्र बोर्डले नयाँ लाइसेन्स आह्वान गरेको पाइएको छ ।
समितिले भदौ ३१ गते अर्थसचिवलाई पत्र काटेर ७ दिन भित्रमा स्पष्टिकरण पेश गर्न निर्देशन दिइएको थियो । यस विषयमा गम्भिर रुपमा छलफल गर्नु पर्ने देखिएको तर तत्काल अर्थसमितिको बैठक बस्न नसक्ने अवस्था भएकाले यस सँग सम्बन्धित विषयलाई संकलन गरेर राख्न निर्देशन दिइएको छ ।
स्टक ब्रोकर एसोसिएसन तथा नेपाल धितोपत्र बोर्डको कर्मचारी युनियनले यस विषयमा अर्थसमितिमा उजुरी पेश गरेका थिए । ब्रोकर एसोसिएसनले भदौ २९ गते अर्थसमितिलाई पत्र मार्फत सरकारले पूँजी बजार विकास र विस्तारका लागि गठित उपसमितिले दिएको सुझावलाई वेवास्था गरी नयाँ स्टक एक्सचेन्ज र नयाँ ब्रोकर लाइसेन्स खुला गर्ने गरी कानुन ल्याउन थालिएको भन्दै उनिहरुले उजुरी हालेका हुन् ।
ब्रोकरले गृहमन्त्री मार्फत उक्त नियमावलीको संसोधनमा चलखेल समेत गरेका थिए । तर मन्त्रिपरिषदबाट पुनः उक्त नियमावली संसोधन गर्दै अन्ततः ब्रोकर लाइसेन्स तथा नयाँ स्टक एक्सचेन्जको लाइसेन्स आह्वान गरिसकेको छ । संसदिय समितिको निर्दशनलाई वेवास्था गर्दै कमोडिटी एक्सचेन्ज, स्टक एक्सचेन्ज र ब्रोकर लाइसेन्स नै आह्वान भइसकेको छ ।
