काठमाडैं । नेपाली सेनाले देशका विभिन्न २८ वटा ब्यारेक तथा गुल्मबाट भर्ना गर्ने गरी सैन्य जनशक्ति माग गरेको छ । नेपाली सेनाको भर्ना छनोट निर्देशनालय, कार्यरथी विभाग जंगी अड्डाले खुलातर्फ दुई हजार ८८ र बाँकी समावेशीतर्फ गरेर चार हजार पदमा सेनाले जनशक्ति माग गरेको हो ।
खुला तर्फ दुई हजार ८८, महिला ३५०, आदिवासी जनजाति ५५०,मधेशी ४८०, दलित २५२ र पिछडा वर्ग ८०, शहीद सैनिक सन्तति २०० गरी चार हजार पदमा सेनाले आवेदन माग गरिएको छ ।
आज भदौ २४ गतेदेखि असोज २६ गतेसम्म आवेदन दिन सकिने छ । दोब्बर दस्तुर तिरेर असोज २४ देखि असोज ३० सम्म आवेदन दिन सकिने छ। आवेदन शुल्क १५० रुपैयाँ रहेको छ । १८ वर्ष पुरा भई २२ वर्ष ननाघेकाले आवेदन दिन सक्ने छन् ।
पुरुषको हकमा उचाई ५ फिट ३ इन्च हुनु पर्ने छ भने महिलाको हकमा उचाई ५ फिट हुनु पर्ने छ । पुरुषको हकमा छाती फुलाउँदा ३४ इन्च र नफुलाउँदा ३२ इन्च हुनु पर्ने छ । पुरुषको हकमा तौल ५० केजी र महिलाको हकमा न्युनतम तौल ४० केजी हुनु पर्ने छ । आवेदन दिनको लागि कक्षा ८ उत्तीर्ण गरेको हुनुपर्ने छ । कक्षा ९ र १० उत्तीर्ण हुनेहरुले पनि कक्षा ८ उत्तीर्णको शैक्षिक योग्यताको प्रमाणपत्र अनिवार्य रुपमा बुझाउनु पर्ने छ ।
