काठमाडौं । गत आर्थिक वर्षमा पुनर्बीमा कम्पनीबाहेक बीमा क्षेत्रमा प्रत्यक्ष रोजगारी गर्नेको संख्या १०.५६ प्रतिशतले बढेको छ । बीमा समितिले सार्वजनिक गरेको तथ्यांकअनुसार जीवन, निर्जीवन र पुनर्बीमा कम्पनीमा कुल १२ हजार ३१ जना प्रत्यक्ष रोजगारीमा रहेका छन् ।
गत आर्थिक वर्ष २०७८/७९ मा २० निर्जीवन बीमा र १९ जीवन बीमा कम्पनी सञ्चालनमा थिए । माथिको तथ्याङ्कले दुईवटा पुनर्बीमा कम्पनीहरूमा प्रत्यक्ष रूपमा संलग्न जनशक्तिलाई समावेश गरिएकाे छैन। बीमा समितिका अनुसार अघिल्लो आर्थिक वर्ष २०७७/७८ मा बीमा कम्पनीहरूमा प्रत्यक्ष रूपमा कूल १० हजार ८८२ जना जनशक्ति कार्यरत थिए ।
यसबाहेक बीमा समितिले गत आर्थिक वर्षमा ८४० नयाँ बीमा सर्वेक्षकलाई लाइसेन्स दिएको छ । जुन अघिल्लो आर्थिक वर्षको दोब्बरभन्दा बढी हो । बोर्डमा कुल १२४० बीमा सर्वेक्षक दर्ता छन्। समितिको आवधिक विवरणले गत आर्थिक वर्षमा ४६ हजार ४०३ नयाँ एजेन्सी लाइसेन्स वितरण भएको देखाउँछ ।
