काठमाडौं । हिमालयन एभरेष्ट इन्स्योरेन्स कम्पनीले निर्जीवन बीमा अभिकर्ताको आधारभुत तालिम सञ्चालन गर्ने भएको छ । कम्पनीले भर्चुअल माध्यमबाट बीमा व्यवसाय अभिवृद्धि गर्न एवं स्वरोजगारको अवसर सृजना गर्ने उद्देश्यका साथ निर्जीवन बीमा अभिकर्ताको आधारभुत तालिम निःशुल्क रुपमा सञ्चालन गर्ने भएको हो ।
इच्छुक व्यक्ति तथा संघ संस्थाका प्रतिनिधिहरुले भदौ २७ गतेसम्ममा सम्पर्क गर्न सक्ने कम्पनीले जनाएको छ । कम्पनीले भदौ २८ गतेदेखि भदौ ३० गतेसम्म विहान साढे ९ बजेदेखि ५ बजेसम्म तालिम सञ्चालन गर्नेछ । अहिले ५० जनालाई तालिममा सहभागी गराइने कम्पनीले जनाएको छ ।
एसएलसी/सिईई परीक्षा उत्तिर्ण नेपाली नागरिकले आवेदन दिन सक्नेछन् । आवेदन दिदा नागरिकता प्रमाणपत्रको प्रतिलिपी एक थान, शैक्षिक प्रमाणपत्रको प्रतिलिपि एक थान, चारित्रिक प्रमाणपत्रको प्रतिलिपि एक थान र पासपोर्ट साइज फोटो चार थान आवस्यक पर्नेछ । आवस्यक कागजातहरु नोटरीबाट प्रमाणित गरी पेश गर्नुपर्नेछ ।
