परिवारको जीम्मेवार व्यक्तिको निधनपछि परिवारभित्र मडारिने आर्थिक संकटले सिंगो परिवारलाई नै भयवित गरिदिन्छ । गाँस बास र कपाससँगै शिक्षा, स्वास्थ्यका लागि आवश्यक रकमको जोहो गर्न नसक्दा परिवाको भविष्य नै अन्धकार भएको कयौं घटनाहरु हाम्रो समाजमा यत्रतत्र छरिएको छ । कमाइको सानो अंश जोगाउन नसक्दा सिंगा परिवारल आर्थिक संकट भोग्नुपर्ने अवस्था आइपर्छ । यस्तै एउटा घटनाले प्रेरित भई बीमा अभिकर्ता पेशामा लागेकी एक पात्र हुन् अम्बिका गौतम । उनी युनियन लाइफ इन्स्योरेन्स कम्पनीका सक्रिय अभिकर्ताको हुन् । उनी हाल मिलियन डलर राउन्ड टेबल (एमडीआरटी) ग्लोबल कन्फ्रेसनमा सहभागी हुन अष्ट्रेलिया पुगेकी छिन् । छोटो समयमै कम्पनीमा एमडीआरटी बन्न सफल भएकी उनी युनियन लाइफको प्रतिनिधित्व गर्दै ग्लोबल कन्फ्रेसनमा भाग लिन अष्ट्रेलिया पुगेकी हुन् ।
यसरी सुरु भयो अम्बिकाको अभिकर्ता यात्रा
तीन वर्षअघिसम्म अम्बिका गौतम एक सफल महिला व्यवसायी थिइन् । उनले एक सहकारी संस्था सञ्चालन गरेकी थिइन । आर्थिक कारोबार राम्रै हुने भएकोले पनि उनी आफ्नो पेशाप्रति सन्तुष्ट थिइन । यसैक्रममा एकदिन उनले एक चर्चित चलचित्र कर्मीको निधनपछि आर्थिक अभाव भएकोले छोरालाई पढाउन नसक्ने अवस्थामा पुगेको भन्दै उनकी श्रीमति मिडियामा रुँदबोलेको देखिन् । यो घटनाले उनलाई केहि समय सोच मग्न बनायो । हरेक मान्छेले केहि न केहि रुपैयाँ कमाएकै हुन्छन् । सम्भवत कमाइको केहि अंश जमाएको पनि हुन्छ ।
चलचत्रि क्षेत्रमा कार्यरत व्यक्तिको मृत्यु पश्चात परिवारमा आर्थिक संकट आएको कुरा सुनेपछि व्यक्तिले बीमा गराएका थिए कि थिएनन् भन्ने कोतुहलता उनमा जागेको र बुझ्दै जाँदा बीमा नगरेको भेटिएको अम्बिका सुनाउँछिन् । नेपाली बजारमा बीमा कम्पनीहरु प्रशस्त खुलेपनि आम जनमानसमा बीमा पुगेको छैन रहेछ भन्ने निचोडमा पुगेका अम्किकाले अन्तत अभिकर्ता बनेर बीमा बारे जानकारी दिने सोच बनाइन् । यसरी बीमा क्षेत्रमा आफ्नो योगदानको आवश्यकता महसुुस भएपछि अभिकर्तातर्फ उन्मुख भएको उनले बताइन ।
तीन जनाको सानो परिवार, अम्बिका भने हर समय अभिकर्ताकै रुपमा खटिन्छिन् । अध्ययनमा व्यस्त छोरा होस् अथवा जागिरे श्रीमान, उनलाई सहयोग चाहेको बखत सँगै उभिने गरेको उनी बताउँछिन् । परिवारको साथसहयोगकै कारण तीन वर्षको समयअवधिमा एमडीआरटी बन्न सफल भएकि छिन् उनी । तीन वर्षको अवधिमा उनी थुप्रै बीमित समक्ष पुगेकी छिन् । जीवनमा भइपरिआउने आर्थिक समस्यालाई समाधान गर्न धेरैलाई उनले बीमा बारे जानकारी दिँदै आएकि छिन् ।
‘अरु काम नपाएर बीमा गराउन हिँडेको भन्ने धेरै भेटेकी छु युनियन लाइफ इन्स्योरेन्स कम्पनीको नयाँ बानेश्वरबाट अभिकर्ताको रुपमा बीमा पेशा अंगालेकि थिइन् अम्बिकाले । हरदिन उनले आरामलाई भन्दा बढी कामलाई महत्व दिइन् । भैपरि आए दैनिक १८ घण्टासम्म फिल्डमा खट्ने उनले विभिन्न स्वभावका व्यक्तिहरु भेटेको बताउँछिन् । कुनै कुनैले त उनलाई अरु काम नपाएर फोकटमा यो पेशामा लागेको समेत भन्ने गरेको उनको अनुभव छ । कतिपयले उनलाई कमिसनको लागि आएको भन्ने गरेको उनी सुनाउँछिन् । तर आफूले बीमाबारे सचेतना दिँदै गर्दा सिंगो परिवारकै जीवनको रक्षा हुने भएकोले आफूले ती भनाइहरुलाई वेवास्ता गर्ने गरेको उनी बताउँछिन् ।
नेतृत्व वर्गमा रहेका व्यक्तित्वहरुले समेत बीमा नकारात्मक धारण राख्ने गरेका छन् । नगर, पालिकाको जीम्मेवारी सम्हालेका व्यक्ति स्वयमले बीमा नबुझेपछि बीमा सचेतना जगाउन अप्ठेरो हुने गरेको अम्बिका बताउँछिन् । आउँदो दिनमा नेतृत्व वर्गमा बीमा सचेतना फैलाउने योजनामा छिन् उनी । राजनैतिक दलका नेता, नगरपालिकाका मेयर, गाउँपालिका अध्यक्ष समक्ष बीमा जागरण कार्यक्रम लैजाने उनी बताउँछिन् ।
तीन वर्षमै ग्लोबल कन्फ्रेसमा सहभागी
युनियन लाइफको बाग्मती प्रदेशमा संलग्न महिला अभिकर्ताहरुमध्ये ग्लोबल कन्फ्रेन्स २०२२ मा सहभागी हुने उनी मात्र हुन् । तीन वर्षअघि सुरु भएको उनको यो यात्राले ग्लोबल कन्फ्रेन्समा नेपालको झन्डा फहराउने मौका समेत पाएको छ । मासिक करिब करोडको हाराहारीमा प्रिमियम संकलन गर्छिन उनी । उनलाई यो पेशाले आर्थिकसँगै आत्मसन्तुष्टि दिएको छ । साथै यो वर्षको एमडीआरटी ग्लोबल कन्फ्रेन्स २२ मा सहभागी हुने मौका समेत मिलेको छ ।
सफल अभिकर्ता बन्न आफूमा आत्मविश्वास हुनुपर्छ
आफूमा आत्मविश्वास भएमा हरेक काम सफल हुने उनको भनाई छ । अभिकर्ता पेशामा पनि आत्मविश्वास अति नै आवश्यक रहने उनी बताउँछिन् । धेरै प्रकारका व्यक्तिहरुसँग भेटघाट गर्ने, बोल्ने कुरा बुझाउने गर्नुपर्ने भएकोले पनि आफूमा साहस हुन जरुरी रहेको उनको अनुभव छ । बीमित समक्ष खुलेर बीमा बारे बुझाउने, उनीहरुले गरेको प्रश्नमा चित्त बुझ्दो उत्तर दिन सकेमा बीमितले विश्वास गर्छन् । यसका लागि आफू संलग्न कम्पनीको बारेमा र कम्पनीले ल्याएको स्किमको बारेमा अध्ययन गर्न जरुरी रहेको अम्बिका बताउँछन् ।
