काठमाडौं । नेपालमा पछिल्लो २४ घण्टामा थप ६३४ जनामा कोरोना संक्रमण पुष्टि भएको छ । सोहि समयअवधिमा कोरोना संक्रमणका कारण थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट ४ हजार ९४९ जनामा कोरोना परिक्षण गरिएको थियो । जसमध्ये २ हजार ७५७ जनामा गरिएको आरटी पिसीआर परिक्षणमा ३४३ जनामा संक्रमण पुष्टि भएको हो । साथै २ हजार १९२ जनामा गरिएको एन्टिजेन परिक्षणमा २९१ जनामा कोरोना पुष्टि भएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ४१७ जना भने कोरोना मुक्त भएका छन् । साथै आज थपिएका संक्रमितसँगै नेपालमा सक्रिय कोरोना संत्रलमितको संख्या ४ हजार २२१ जना पुगेको मन्त्रालयले जनाएको छ ।
