काठमाडौं । नेपालमा पछिल्लो २४ घण्टामा थप ६५८ जनामा कोरोना संक्रमण पुष्टि भएको छ । सोहि समय थप एक जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट ६ हजार ६४३ जनामा कोरोना परिक्षण गरिएको थियो । जसमध्ये ३ हजार ३८१ जनामा आरटी पिसीआर परिक्षण गरिएकोमा ४०५ जनामा कोरोना संक्रमण पुष्टि भएको हो । साथै ३ हजार २६२ जनामा गरिएको एन्टिजेन परिक्षणमा २५३ जनामा कोरोना पुष्टि भएको छ ।
साथै, पछिल्लो २४ घण्टामा ४५६ जना कोरोना संक्रमणबाट मुक्त भएका छन् । आज थपिएका कोरोना संक्रमितसँगै नेपालमा सक्रिय कोरोना संक्रमितको संख्या ४ हजार २९६ जना पुगेको छ ।
