काठमाडौं । सिटिजन लाइफले गत आर्थिक वर्ष (७८/७९ )को चौथो त्रैमासको वित्तिय विवरण सार्वजनिक गरेको छ । उक्त विवरण अनुसार कम्पनीको खुद बीमा शुल्क आर्जन करिव ४६ प्रतिशतले वृद्धि हुँदै ५ अर्ब १ करोड पुगेको छ । अघिल्लो आर्थिक वर्ष (७७/७८ ) मा कम्पनीले ३ अर्ब ४४ करोड खुद बीमा शुल्क आर्जन गरेको थियो ।
कम्पनीको नाफा गत आर्थिक वर्षमा शुन्य दशमलव १८ प्रतिशतले वृद्धि हुँदै १८ करोड ८२ लाख पुगेको छ भने अघिल्लो आर्थिक वर्षमा कम्पनीको नाफा १८ करोड ७९ लाख माथि थियो ।
गत आर्थिक वर्षमा १ अर्ब १६ करोड खुद दावी भुक्तानी गरेको कम्पनीले ३६ करोड ३ लाख भुक्तानी गर्न बाँकी दावी रकम रहेको छ ।
