काठमाडौं । यूनाइटेड इन्स्योरेन्स कम्पनीले गत आर्थिक वर्ष २०७८ /७९ को चौथो त्रैमासको वित्तीय विवरण प्रकाशन गरेको छ । कम्पनीले यस अवधिसम्ममा १३ करोड ९६ लाख रुपैयाँ नाफा कमाएको छ । अघिल्लो आर्थिक वर्षको सोही अवधिमा कम्पनीले १० करोड ५२ लाख रुपैयाँ नाफा कमाएको यियो । अघिल्लो आर्थिक वर्षको सोही अवधिको तुलनामा कम्पनीको नाफा ३२ प्रतितशले बढी हो ।
समिक्षा अवधिमा कम्पनीले ७५ करोड २३लाख रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको सोही अवधिमा कम्पनीले ४६ करोड ६८ लाख रुपैयाँ खुद बीमा शुल्क आर्जन गरेको थियो । अघिल्लो आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ६१ प्रतिशतले बढी हो ।
कम्पनीले यस अवधिमा ३६ करोड ११ लाख रुपैयाँ खुद दाबी भुक्तानी गरेको छ । अघिल्लो आर्थिक वर्षको सोही अवधमा कम्पनीले १९ करोड ३८ लाख रुपैयाँ खुद दाबी भुक्तानी गरेको थियो ।
कम्पनीको प्रतिशेयर आम्दानी १३ रुपैयाँ ५८ पैसा रहेको छ । प्रतिशेयर नेटवर्थ १६० रुपैयाँ ४० पैसा रहेको छ । यस अवधिमा कम्पनीले ६९ करोड ४२ लाख रुपैयाँ कुल दाबी भुक्तानी गरेको छ भने ९५ करोड ५५ लाख रुैयाँ भुक्तानी गर्न बाँकी दाबी रकम रहेको छ ।
१ अर्ब २ करोड रुपैयाँ चुक्ता पूँजी भएको कम्पनीको जगेडा कोषमा १९ करोड ३८ लाख रुपैयाँ संचिती रहेको छ । अघिल्लो आर्थिक वर्षको तुलनामा कम्पनकिो जगेडा कोषको आकार बढेको हो । यस अवधिमा कम्पनीको बीमा कोषमा ४२ करोड २ लाख रुपैयाँ रहेको छ ।
