काठमाडौं । नेपालमा पछिल्लो २४ घण्टामा ८८८ जनामा कोरोना संक्रमण पुष्टि भएको छ । सोही समय थप एक जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा कुल ५ हजार ७३७ जनामा कोरोना परिक्षण गरिएको थियो । जसमध्ये ३ हजार १५५ जनामा आरटीपीसिआर परिक्षण गर्दा ४२७ जनामा कोरोना संक्रमण पुष्टि भएको थियो । साथै २ हजार ५८२ जनामा गरिएको एन्टीजेन परिक्षणमा ४६१ जनामा कोरोना संक्रमण पुष्टि भएको हो ।
आज थपिएका संक्रमितसँगै नेपालमा सक्रिय कोरोना संक्रमितको संख्या ५ हजार ३८७ जना पुगेको छ । साथै आज थप ४७४ जना कोरोना मुक्त भएका छन् ।
