काठमाडौं । एलआइसी नेपालले आर्थिक वर्ष २०७८/ ७९ को चौथो त्रैमासको अपरिष्कृत वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनी नोक्सानीमा रहेको देखिएको छ ।
समिक्षा अवधिमा कम्पनी नोक्सानीमा रहेको छ । कम्पनी यस अवधिमा ८ करोड ७४ लाख रुपैयाँ नोक्सानीमा रहेको छ । अघिल्लो आर्थिक वर्षको सोही अवधिमा कम्पनीले १९ करोड ९ लाख रुपैयाँ नाफा कमाएको थियो ।
गत आर्थिक वर्षको चौथो त्रैमासमा कम्पनीले १८ अर्ब १३ करोड ९८ लाख रुपैयाँ खुद बीमा शुल्क आर्जन गरेको छ । अघिल्लो आर्थिक वर्षको सोही अवधिमा कम्पनीले १७ अर्ब ४ करोड ९० लाख रुपैयाँ खुद बीमा शुल्क आर्जन गरेको थियो । अघिल्लो आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ६ दशमलव३९७ प्रतिशतले बढी हो ।
२ अर्ब ६५ करोड रुपैयाँ चुक्ता पूँजी भएको कम्पनीको जीवन बीमा कोषमा ९३ अर्ब ६३ करोड ६ लाख रुपैयाँभन्दा बढी रहेको छ । जगेडा कोषमा ६१ करोड ५५ लाख रुपैयाँं संचिती रहेको छ । अघिल्लो आर्थिक वर्षको तुलनामा कम्पनीको जगेडा कोषको आकार घटेको हो ।
समिक्षा अवधिमा कम्पनीले ९ अर्ब ६ करोड ३६ लाख रुपैयाँ खुद दाबी भुक्तानी गरेको छ । अघिल्लो आर्थिक वर्षको सोही अवधिमा कम्पनीले ७ अर्ब ३५ करोड रुपैयाँ खुद दाबी भुक्तानी गरेको थियो । अघिल्लो आर्थिक वर्षको सोही अवधिको तुलनामा कम्पनीको खुद दाबी भुक्तानी रकम बढेको हो ।
कम्पनीले १८ अर्ब २२ करोड ८१ लाख रुपैयाँ कुल बीमा शुल्क आर्जन गरेको छ । कम्पनीले ९ अर्ब १२ करोड ३४ लाख रुपैयाँ कुल दाबी भुक्तानी गरेको छ । यस अवधिमा कम्पनीको प्रतिशेयर आम्दानी ३ रुपैयाँ ३० पैसा ऋणात्मक रहेको छ । प्रतिशेयर नेटवर्थ १३६ रुपैयाँ ७९ पैसा रहेको छ ।
