काठमाडौं। सानिमा लाइफले गत आर्थिक वर्ष (७८/७९ )को चौथो त्रैमासको वित्तिय विवरण सार्वजनिक गरेको छ। उक्त विवरण अनुसार कम्पनीको कुल बीमा शुल्क आर्जन २० दशमलव ६८ प्रतिशतले वृद्धि हुँदै २ अर्ब ३६ करोड पुगेको छ । अघिल्लो आर्थिक वर्ष (७७/७८ ) मा कम्पनीले १ अर्ब ९६ करोड बीमा शुल्क आर्जन गरेको थियो ।
कम्पनीको नाफा गत आर्थिक वर्षमा ५४ दशमलव ८१ प्रतिशतले वृद्धि हुँदै १५ करोड ९१ लाख पुगेको छ भने अघिल्लो आर्थिक वर्षमा कम्पनीको नाफा १० करोड २७ लाख थियो ।
२ अर्ब चुक्ता पुँजी भएको कम्पनीको जगेडामा ३९ करोड १८ लाख रुपैयाँ संचित छ भने जीवन बीमा कोषमा १ वर्षको अवधिमा ५९ दशमलव ३१ प्रतिशत वृद्धि हुँदै ३ अर्ब ३४ करोड पुगेको छ।
प्रकाशित तथ्यांक अनुसार कम्पनीको वार्षिक प्रति शेयर आम्दानी ७ रुपैयाँ ९६ पैसा र किताबी मूल्य १२१ रुपैयाँ ६७ पैसा छ । गत आर्थिक वर्षमा ४३ करोड ८३ लाख कुल दावी भुक्तानी गरेको कम्पनीको भुक्तानी हुन् बाँकी दावी रकम छैन ।
