काठमाडौं । सानिमा जनरल इन्स्योरेन्सले गत आर्थिक वर्ष (७८/७९ )को चौथो त्रैमासको वित्तिय विवरण सार्वजनिक गरेको छ । उक्त विवरण अनुसार कम्पनीको कुल बीमा शुल्क आर्जन ५३ दशमलव ६२ प्रतिशतले वृद्धि हुँदै १ अर्ब ४ करोड पुगेको छ । अघिल्लो आर्थिक वर्ष (७७/७८ ) मा कम्पनीले ६८ करोड ३२ लाख बीमा शुल्क आर्जन गरेको थियो ।
कम्पनीको नाफा गत आर्थिक वर्षमा ९८ दशमलव ६४ प्रतिशतले वृद्धि हुँदै १४ करोड ४९ लाख पुगेको छ भने अघिल्लो आर्थिक वर्षमा कम्पनीको नाफा ७ करोड २९ लाख थियो।
१ अर्ब चुक्ता पुँजी भएको कम्पनीको जगेडामा १५ करोड १४ लाख रुपैयाँ छ भने बीमा कोषमा १ वर्षको अवधिमा ७७ दशमलव १८ प्रतिशत वृद्धि हुँदै १६ करोड ४३ लाख पुगेको छ।
प्रकाशित तथ्यांक अनुसार कम्पनीको वार्षिक प्रति शेयर आम्दानी १४ रुपैयाँ ४९ पैसा र किताबी मूल्य १३२ रुपैयाँ ९६ पैसा छ ।
गत आर्थिक वर्षमा २६ करोड ४० लाख कुल दावी भुक्तानी गरेको कम्पनीले ४२ करोड ७६ लाख भुक्तानी गर्न बाँकी दावी रकम रहेको छ ।
