काठमाडौं। एशियन लाइफले गत आर्थिक वर्ष (७८/७९ )को चौथो त्रैमासको वित्तिय विवरण सार्वजनिक गरेको छ। उक्त विवरण अनुसार कम्पनीको कुल बीमा शुल्क आर्जन १७ दशमलव ७४ प्रतिशतले वृद्धि हुँदै ६ अर्ब ९६ करोड पुगेको छ । अघिल्लो आर्थिक वर्ष (७७/७८ ) मा कम्पनीले ५ अर्ब ९१ करोड बीमा शुल्क आर्जन गरेको थियो ।
कम्पनीको नाफा गत आर्थिक वर्ष मा ३३ दशमलव ३८ प्रतिशतले घट्दै १६ करोड ९४ लाख पुगेको छ भने अघिल्लो आर्थिक वर्षमा कम्पनीको नाफा २५ करोड ४३ लाख थियो।
२ अर्ब ५३ करोड चुक्ता पुँजी भएको कम्पनीको जगेडामा ५८ करोड ३६ लाख रुपैयाँ छ भने जीवन बीमा कोषमा १ वर्षको अवधिमा २१ दशमलव १८ प्रतिशत वृद्धि हुँदै ३२ अर्ब ९ करोड पुगेको छ।
प्रकाशित तथ्यांक अनुसार कम्पनीको वार्षिक प्रति शेयर आम्दानी ६ रुपैयाँ ६७ पैसा र किताबी मूल्य १२८ रुपैयाँ ३७ पैसा छ ।
गत आर्थिक वर्षमा ४ अर्ब ४१ करोड कुल दावी भुक्तानी गरेको कम्पनीले ५ करोड ८६ लाख भुक्तानी गर्न बाँकी दावी रकम रहेको छ ।
