काठमाडौं । ललितपुर महानगरपालिकामा बसोबास गर्ने जेष्ठ नागरिकले दशै अगाडी १० हजार रुपैयाँ भन्दा पाउने भएका छन् । महानगरीले चाडपर्व अगाडी प्रत्येक जेष्ठ नागरिकलाई दशै खर्च बापत १० हजार रुपैयाँ दिने निर्णय गरेको छ ।
महानगरले गत वर्ष पनि ५ हजार रुपैयाँ दिएको थियो । यस वर्ष ५ हजार रुपैयाँ थप गरि १० हजार रुपैयाँ दिने निर्णय गरेको हो । महानगरमा ७ हजार जेष्ठ नागरिक रहेका छन् । उनिहरुका लागि दशैका लागि महानगरले ७ करोड रुपैयाँ खर्च गर्ने भएको हो ।
महानगरले जेष्ठ नागरिकको स्वास्थ्य उपचारका लागि पनि कार्यविधि बनाइरहेको छ । महानगर भित्र रहेका ८१ हजार घरमा जिपिएस कनेक्ट हुने प्लेट जडान गरिरहेको छ । यहि आधारमा जेष्ठ नागरिक भएको घर पहिचान गरि आवस्यक पर्दा मेडिकल समुह मार्फत सेवा प्रवाह गर्दैछ ।
