काठमाडौं । साउन महिनाको सुरुवातबाट नेपालम कोरोना संक्रमितको संख्या उल्लेख्य रुपमा बृद्धि भएको छ । आज २४ गते एकैदिन १ हजार ९० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ६ हजार ३ सय जनामा कोरोना परिक्षण गरिएको थियो । जसमध्ये २ हजार ९५८ जनामा गरिएको आरटी पिसीआर परिक्षणमा ५६० जनामा कोरोना संक्रमण पुष्टि भएको हो । साथै ३ हजार ३४२ जनामा गरिएको आरटी पिसीआर परिक्षणमा ५३० जनामा कोरोना संक्रमण पुष्टि भएको मन्त्रालयले जनाएको छ ।
सोही समय थप २ जनाले कोरोना संक्रमणका कारण ज्यान गुमाएका छन् । साथै ४३८ जना भने कोरोना मुक्त भएका छन् । आज थपिएको संक्रमितसँगै नेपालमा सक्रिय कोरोना संक्रमितको संख्या ५ हजार ८०६ जना पुगेको मन्त्रालयले जनाएको छ ।
