काठमाडौं । निर्वाचन आयोगले आगामी मंसिर ४ गते तय भएको राष्ट्रिय सभा तथा प्रदेश सभा सदश्यको निर्वाचनको कार्यतालिका सार्वजनिक गरेको छ । आयोगले असोज २३ गते उम्मेदवारी दर्ता खुला गर्नेछ ।
कार्यतालिका अनुसार असोज ११ गते निर्वाचन अधिकृत नियुक्ति गर्नेछ । त्यस्तै असोज २१ गते निर्वाचन अधिकृतको कार्यालय स्थापना हुनेछ । साथै असोज २३ गते मनोनयन दर्ताको कार्यक्रम तय गरिएको छ । जुन दिन दशैको अन्तिम दिन अर्थात पुर्णिमा हो ।
समानुपातिक तर्फको बन्द सूची पेस गर्ने कार्यतालिका भने असोज २ र ३ गतेका लागि तय गरिएको छ । असोज २८ गतेदेखि मतपत्र छपाइ सुरु हुने आयोगले जनाएको छ । मतपत्र जनक शिक्षा सामग्री केन्द्रले छाप्नेछ । जनक शिक्षा सामग्री केन्द्रले प्रत्यक्ष तर्फको मतपत्र छाप्न करिब एक महिना लाग्ने जनाएको छ ।
आयोगका अनुसार मङ्सिर १ गते राति १२ बजेदेखि प्रचारप्रसारमा रोक लगाइने छ । मङ्सिर ४ गते बिहान सात बजेदेखि पाँच बजेसम्म मतदान हुनेछ ।
