काठमाडौं । नेपालमा पछिल्लो २४ घण्टामा थप ९१५ जनामा कारोना संक्रमण पुष्टि भएको छ । ६ हजार २ जनामा गरिएको परिक्षणमा ९१५ जना संक्रमित भेटिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ३ हजार ९१ जनामा आरटी पिसीआर परिक्षण गरिएकोमा ५९० जना संक्रमित फेला परेको हो । साथै २ हजार ९११ ज्नामा गरिएको एन्टीजेन परिक्षणमा ३२५ संक्रमित भेटिएको मन्त्रालयले जनाएको छ ।
सोही समय ३०१ जना भने कोरोना मुक्त भएका छन् । आज थपिएका संक्रमितसँगै नेपालमा सक्रिय कोरोना संक्रमितको संख्या ५ हजार ४३३ जना पुगेको छ ।
