काठमाडौं । नेपालमा केहि दिन यता कोरोना संक्रमण अस्वभाविक रुपमा बढ्दै गएको छ । पछिल्लो २४ घण्टामा मात्रै ८९५ जनामा कोरोना संक्रमण पुष्टि भएको स्वास्थय तथा जनसंख्या मन्त्रालयले जनाएको छ ।
मन्त्रालयका अनुसार २४ घण्टाको अवधिमा देशभर कुल ५ हजार ९०९ नमुना परिक्षण गरिएको थियो । ३ हजार ६८५ जनामा गरिएको आरटी पिसीआर परिक्षणमा ६३२ जनामा संक्रमण पुष्टि भएको हो । यसैगरी २ हजार २२४ जनामा गरिएको एन्टीजेन परिक्षणमा २६३ जनामा कोरोना संक्रमण पुष्टि भएको मन्त्रालयले जनाएको छ । साथै १ जनाको भने कोरोना संक्रमणका कारण मृत्यु भएको छ ।
सोहि अवधिमा २६४ जना कोरोना संक्रमण मुक्त भएका छन् । आज थपिएका संक्रमितसँगै नेपालमा सक्रिय संक्रमितको संख्या ४ हजार ९३४ पुगेको छ ।
