काठमाडौं । पछिल्लो समय नेपालमा कोरोना संक्रमितहरुको संख्या फेरि बढ्न थालेको छ । पछिल्लो २४ घण्टामा मुलुकभर एकै दिन थप ५७७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ४ हजार २८२ जनाको आरटी पीसीआर र एन्टिजेन विधिबाट परीक्षण गर्दा ५७७ जनामा कोरोना संक्रमण पुष्टि भएको हो ।
यससँगै नेपालमा कोरोना संक्रमितको कुल संख्या ११ लाख २८ हजार १७१ पुगेको छ । त्यस्तै २४ घण्टामा कोरोना संक्रमणका कारण २ जनाको मृत्यु भएको छ । यससँगै नेपालमा कोरोनाका कारण ज्यान गुमाउनेको संख्या ११ हजार ९६४ पुगेका छन् ।
त्यस्तै, पछिल्लो २४ घण्टामा नेपालमा थप २ सय ६९ जना संक्रमितहरु निको भएका छन् ।
