Prabhu Life Ad Final

गुराँसका डिसिइओ कंडेल नेपाल लाइफको नायव महाप्रवन्धकमा जादै

काठमाडौं । गुराँस लाइफका उप प्रमुख कार्यकारी अधिकृत ‘डिसिइओ’ स्मृतिराज कंडेल एक तह घटुवा भएर नेपाल लाइफको नायव महाप्रवन्धकमा जाने भएका छन् । कंडेलले नेपाल लाइफबाट अफर लेटर बुझेर गुराँस लाइफमा राजिनामा बुझाइसकेका छन् । गुराँस लाइफबाट राजिनामा स्वीकृत हुने वित्तीकै उनलाई नेपाल लाइफले अर्को महिनादेखि कार्यभार सम्हाल्ने गरी नियुक्ति गर्ने सहमति भएको बुझिएको छ । नेपाल लाइफले उनलाई अञ्चल प्रमुखको जिम्मेवारी दिने गरी नायव महाप्रवन्धक पदमा नियुक्ति गर्ने वचनवद्धता व्यक्त गरेको पाइएको छ ।

कंडेल गत असोजमा एलआईसी छाडेर गुराँस लाइफको डिसिइओमा भित्रिएका थिए । तर उनि एक वर्ष पनि टिक्न सकेनन् । एलआईसी नेपालमा १८ वर्ष काम गरेका कंडेल मार्केटिङमा पोख्त मानिन्छन् । यसैले गर्दा पनि नेपाल लाइफले आफ्नो खस्किएको बजार हिस्सा उकास्न मार्केटिङमा दख्खल राख्ने जनशक्ति तानिरहेको छ । प्रमुख कार्यकारी अधिकृत प्रविण रमण पराजुलीले आफ्नो सेट बनाइरहेका छन् । यसै क्रममा उनले कंडेललाई नेपाल लाइफमा तानेका हुन् ।

NLIC

गुराँस लाइफको भन्दा एक तह घटुवा भएर गए पनि कंडेलले सेवा सुविधा भने गुराँसको भन्दा राम्रो पाउने छन् । साथै नेपाल लाइफ गुराँस लाइफ भन्दा धेरै माथि छ । यसले गर्दा पनि कंडेल नेपाल लाइफ भित्रिएका हुन् । एक तह घटुवा भएर नियुक्त भएकाले संस्थागत सुशासन अनुसार उनलाई कुलिङ पिरियड लागु नहुने कम्पनीले जनाएको छ । दुबै कम्पनीले स्वीकृति दिएका खण्डमा उनि भदौ महिनादेखि नेपाल लाइफ भित्रिने छन् ।

प्रतिक्रिया दिनुहोस्

सम्बन्धित समाचार