काठमाडौं । नेपाल इन्स्योरेन्स कम्पनीले ११ प्रतिशत बोनस शेयर शेयरधनीको डिम्याट खातामा जम्मा गरिदिएको छ । डिम्याट नगरेका शेयधनीहरुलाई पनि तुरुन्त डिम्याट गर्न कम्पनीले अनुरोध गरेका छ ।
कम्पनीले गत जेठ ३० गत सम्पन्न ७३ औ वार्षिक साधारणसभाबाट ११ प्रतिशत बोनस शेयर पारित गरेको थियो । डिम्याट खातामा शेयर जम्मा भए सँगै शेयरधनीहरुले दोस्रो बजारमा सजिलै कारोबार गर्न पाउने छन् ।
कम्पनीले जेठ १६ गतेसम्म शेयर अभौतिकीकरण गराएका शेयरधनीहरुको डिम्याट खातामा शेयर जम्मा गरिदिएको छ । सो पश्चात शेयर अभौतिकीकरण गराएका शेयरधनीहरुको हकमा भने क्रमशः उक्त बोनस शेयर जम्मा हुने व्यवस्था गरिएको कम्पनीले जनाएको छ ।
विगतका साधारणसभाहरुबाट पारित नगद लाभांश तथा बोनस शेयर लिन बाँकी रहेका शेयरधनीहरुले शेयर रिजिष्ट्रार एनआईविएल एस क्यापिटलमा सम्पर्क गरी आ-आफ्न नगद लाभांश तथा बोनस शेयर प्राप्त गर्न सक्ने कम्पनीले जनाएको छ ।
