काठमाडौं । आज नेप्से सूचक ६१ प्रतिशतले सुधार भयो । शेयर बजारमा एका एक उछाल आउदा दुई अर्ब ७३ करोड रुपैयाँको कारोबार भएको छ । जस मध्ये शिवम एक्लैको ३९ करोड ७१ लाख रुपैयाँको कारोबार भएको छ ।
दोस्रो धेरै कारोबार भएको नेपाल पुनर्बीमा कम्पनीको ६ करोड ८२ लाख रुपैयाँको कारोबार भएको छ । कम्पनीको शेयर मूल्य सँगै कारोबार रकम पनि क्रमश सुधार भइरहेको छ । तेस्रो धेरै कारोबार हुनेमा हिमालयन डिष्ट्रलरी रहेको छ । हिमालयनको ६ करोड ५९ लाख रुपैयाँको खरिद बिक्री भएको छ ।
चौथोमा एनआईसी एशियाको ६ करोड २१ लाख रुपैयाँको करोबार भएको छ । त्यस पछि सर्वाधिक कारोबार हुनेमा क्रमश अरुण कावेली ६ करोड १४ लाख, प्रभु बैंकको ५ करोड ९४ लाख, अरुण भ्याली हाइड्रोपावर ५ करोड ५४ लाख, स्वाभलम्बनको ५ करोड ५ लाख, अपर तामाकोशीको ४ करोड ५५ लाख र आइसिएफसीको ४ करोड ४१ लाख रुपैयाँको कारोबार भएको छ ।
