काठमाडौं । साताको अन्तिम दिन शेयर बजार २७ अंकले घटेको छ । मौद्रिक नीतिले शेयर बजार घटाउदा पनि केहि कम्पनीको भने विगत केहि दिनदेखि लगातार कारोबार बढिरहेको छ । विगतका दिनमा जस्तै आज पनि सबैभन्दा धेरै शिवम् सिमेन्टको शेयर कारोबार सर्वाधिक धेरै भएको छ । आज एक अर्ब ४४ करोडको कारोबार हुँदा शिवमको मात्रै २१ करोडको कारोबार भएको छ ।
दोस्रो धेरै कारोबार हुनेमा हिमालयन डिष्ट्रिलरी रहेको छ । हिमालयनको ४ करोड ९४ लाख रुपैयाँको कारोबार भएको छ । तेस्रोमा गत वर्ष सर्वाधिक रोजाइमा परेको नेपाल पुनर्बीमा कम्पनी रहेको छ । गत वर्ष सर्वाधिक धेरै कारोबार हुने गरेको यस कम्पनीको शेयर केहि दिनदेखि पुनः कारोबार बढ्न थालेको छ । आज तीन करोड ८३ लाखको कारोबार भएको छ ।
त्यस पछि अन्य सर्वाधिक धेरै कारोबार हुने कम्पनीहरुमा क्रमश अरुण कावेली, एनआईसी एशिया बैंक, अपर तामाकोशी, अपि पावर, आइसिएफसी बैंक र कृषि विकास बैंक रहेको छ ।
